O'zbekiston Respublikasi Prezidenti Sh.M.Mirziyoyev rahbarligida 2021- yil 23-iyul kuni "Aholi murojaatlari bilan ishlash tizimini mutlaqo yangicha tashkil qilish chora-tadbirlari to'g'risida"gi kengaytirilgan tarzda o'tkazilgan videoselektor yig'ilishida berilgan topshiriqlar va «Inson qadrini ulug'lash va faol mahalla yili»da amalga oshirishga oid Davlat dasturi ijrosini ta'minlash maqsadida mahalladan turib, barcha davlat organlariga murojaat qilish, shuningdek, fuqarolarning o'z mahallasi hayotidagi ishtirokini kuchaytirish hamda davlat organlari va mahallalar o'rtasida to'g'ridan-to'g'ri aloqalarni ta'minlash"ga qaratilgan "E-murojaat.uz" axborot tizimi ishlab chiqilgan. Shundan to'liq foydalanish va yo'lga qo'yish maqsadida bugun Urganch tuman hokimligi binosida barcha mahalla fuqarolar yig'ini raislari, oila va xotin-qizlar faollari, yoshlar yetakchilari, hokim yordamchilari hamda mas'ul tashkilotlar hodimlari ishtirokida seminar tashkil etildi.